el pliego/ le pli/ a folder

_el pliego/ le pli/ a folder

Doble desdoblado
3.º Encuentro Internacional de
Interacción Gráfica y Edición

_ materia

Arte de campo expandido

_ especialidade

Gráfica artística contemporánea, soportes e papeis, obras e artistas

el pliego/ le pli/ a folder

Esta publicación forma parte do terceiro proxecto de creación de intercambio internacional entre universidades e centros de formación na arte gráfica e na edición. Nesta convocatoria propúxose reflexionar sobre a idea do prego, partindo do espazo dunha folla encartada e do encontro que provoca este pregado.

_ el origen

Esta publicación xorde a partir do proxecto co mesmo nome que tivo como obxectivo seguir promovendo a circulación cultural a través das fronteiras que permite a edición gráfica, a multiplicación, a versatilidade e a transportabilidade, revalorizando o formato do libro a partir do seu módulo base: o prego. Para este proxecto de carácter docente e investigador reunimos unha selección de estudantes, docentes e artistas vinculados a talleres e a grupos de investigación na arte gráfica e na edición de diferentes universidades e centros de formación. Esta convocatoria, que lles dá continuidade aos proxectos anteriores «La miniatura» (2010-2012) e «Comptines, rimas por el mundo» (2014-2015), propón renovar os centros participantes incorporando novos colaboradores e colaboradoras.

O espazo do prego supón un todo fraccionado en catro espazos distintos e solidarios, no que se establecen relacións de oposición, reflexibilidade, contigüidade, secuenciabilidade... O prego, coma o libro, ábrese e péchase, garda, mostra e esconde á vez. A unión de diferentes pregos entre si forma un libro, dispositivo definido por esa área de emerxencia e de encontro que é a dobrez, entendida como bisagra de desdobramento.

Cada centro envíalle o conxunto dos pregos seleccionados e editados ao centro organizador (grupo dx5, Facultade de Belas Artes, Pontevedra, España). Coas obras recibidas (un prego de cada participante) compóñense tantos libros coma centros participantes no proxecto. Cada libro está formado por distintos cadernos pequenos sen coser que son compilados grazas a unha cuberta-colector común deseñada polo centro organizador. Este formato flexible posibilita diferentes combinacións, á maneira dun cadáver exquisito, e facilita a futura exposición dos pregos independentes en cada centro. Finalmente, reunimos 224 pregos provenientes de 17 centros formativos de creación e investigación de 11 países diferentes de Europa, América e Asia.

Cando 1 + 1 suman máis de 2. Sobre a suma dos pregos...

«Se viaxas só, irás rápido. Se viaxas en grupo, irás lonxe.»
Proverbio africano

O obxectivo inicial do proxecto «El pliego» era reunir e confrontar todos os pregos recibidos nun só gran libro, reorganizando e combinando os pregos á maneira dun cadáver exquisito. O cadáver exquisito consiste nun xogo de palabras/imaxes por medio do cal se forma a partir dunha secuenciabilidade de palabras ou de imaxes parciais unha frase ou unha imaxe completa, sen sentido premeditado. O resultado é unha composición en secuencia, textual ou visual, onde se combinan elementos parciais e en principio inconexos, que crean unha complexidade de conceptos e de formas que enriquecen as partes.

Metáforas e materialidade do prego e do libro

“Así piensa el libro” No proxecto «El pliego/doble desdoblado», o libro é unha idea, unha aspiración que xustifica o formato das obras. Aquí preséntase deconstruído para evidenciar as partes que o forman, dando valor á dobrez por si mesma e descartando os procesos e os elementos habituais de posta en páxina e de xeración do volume impreso (lombo, nervio, portadas, gardas).

Libro completo >>>

ficha do libro >>>