O volume está organizado en tres partes principais: a primeira trata de perfilar o libro de artista como campo de investigación, examinando as súas coordenadas fenomenolóxicas, o seu significado e uso como dispositivo para a arte, e a súa relación co campo editorial convencional. A segunda parte trata sobre a relación entre a imaxe e o obxecto, a partir de concepcións que teñen a súa orixe no pensamento barroco ao redor da relación entre ilusión e realidade. A terceira é a máis específica, e trata dos libros de artista “en abismo”. Analízanse os conceptos asociados á abismación no libro de artista como estratexia de relación entre contido e soporte, en canto á súa estrutura, elementos e linguaxe. Por último, establécese unha organización dos libros investigados sobre a base da natureza (real ou ficticia) dos libros insertos neles.