_obxectivos

Controlar e xestionar con anterioridade, mediante unha tarxeta moedeiro o consumo de tintas nunha impresión dixital de gran formato. A citada tarxeta permítelle executar cargos económicos ao usuario ou usuaria sen intervención de persoal especializado. Creación dunha nova interface que xestione os datos do spooler de impresión e que lle permita ao usuario ou usuaria coñecer rapidamente a cantidade de tinta en picolitros utilizados e o custo en papel, dependendo da absorción deste no plotter. Tradución de interfaces gráficos en mapas de bits a separación de canles e de separacións en cartuchos de tinta; cuantificación do número de puntos que se vai representar con correspondencia nun número de picolitros por píxel. Axustar e personalizar os custos a píxeles e a cores ao mínimo, co que cada persoa sabe na fase de preimpresión cal vai ser o consumo exacto en picolitros que vai ter determinada a imaxe unha vez impresa. Modificación dun rede xa existente no mercado para o seu uso na demanda de tintas, substitución de cartuchos de mantemento, posta a punto da máquina e consumibles a requisito da propia máquina. Autoxestionar e socializar o uso de plotters de alta resolución e gran formato mediante unha conexión a internet que demande novos cartuchos de tinta e papel, vía en liña, cando estes estean a piques de acabarse, permitindo un mantemento adecuado e de baixo custo. Abaratar o prezo de venda ao público mediante un mantemento en liña. Desenvolver un servizo en rede co distribuidor de consumibles en tempo real. Axuste e especialización nas Belas Artes e na contorna docente, dun software xenérico.