estudios transdisciplinares sobre cómic (etc)
manga postdigital y el cómic de testimonio
_ disciplinas
Estudos de manga e anime
Hiperlibro de artista
_desenvolvemente e execución
novos territorios gráficos
Este proxecto adopta a tripla linea investigadora que caracteriza ao grupo dx5: teórico-conceptual, científico-técnica e artístico-práctica. Titulado «Explorando novos territorios gráficos desde unha perspectiva transdisciplinar» (ref. HAR2016-78215-P ), este proxecto ministerial estrutúrase de acordo a tres eixos: a noción de cómic de campo expandido, entendido como aquelas actuacións artísticas que van máis aló do soporte tradicional do cómic, combinando as peculiaridades lingüísticas, formais, narrativas e conceptuais deste medio con outras manifestacións do mundo da arte; un estudo sobre o anime como forma medial, e cuxos resultados se materializaron na publicación Anime Studies. Media-Specific Approaches to Neon Genesis Evangelion; e o hiperlibro ou libro de artista dixital, prestando atención á súa pertinencia e encaixe na dinámica artística contemporánea.
_enfoque
Aínda que formulada a comezos da década dos sesenta, a soada afirmación de McLuhan –máis coñecido pola súa soada sentenza “o medio é a mensaxe”– na galaxia Gutenberg pon en relevo a necesidade de articular e definir os novos soportes gráficos, especialmente para os artistas, a miúdo pioneiros no uso e optimización de tecnoloxías que non foran concibidas inicialmente para a creación artística. Actualmente vivimos unha época de auxe para os tres medios obxecto do presente proxecto: cómic de campo expandido, animación e hiperlibro de artista. Ademais de coincidir nas fronteiras da arte gráfico, todos eles presentan nexos tecnolóxicos comúns.
Marshall McLuhan
_TEMAS
Este proxecto trata de sentar os fundamentos conceptuais e dar resposta, ao mesmo tempo, ao desenvolvemento social do cómic de campo expandido, o hiperlibro de artista e o anime como forma medial, e ás cuestións teóricas, plásticas, pero tamén tecnolóxicas (desenvolvemento, comercialización/distribución e conservación) ás que nos enfrontamos como investigadores e artistas ao entrar en contacto con estas tres tecnoloxías.
