_ a autoría

Nesta publicación recóllense as intervencións dos investigadores e investigadoras principais do proxecto «Originalidad en la cultura de la copia», do grupo de investigación CA Gráfica Contemporánea da Universidade Autónoma de Ciudad Juárez (Chihuahua, México) e os e as integrantes do grupo dx5. Os investigadores e investigadoras principais do proxecto, Carles Méndez Llopis e Hortensia Mínguez García, directores do grupo de investigación CA Gráfica Contemporánea, foron convidados para impartir senllas conferencias na Facultade de Belas Artes de Pontevedra. De maneira paralela a este evento, tivo lugar unha reunión de investigación entre os e as integrantes de ambos os equipos para avanzar en novas propostas e futuras colaboracións internacionais.