O Múltiple que ocupa o espazo

Na contemporaneidade as fronteiras conceptuais e prácticas do arte borraronse froito do triunfo das teorías do pensamento complexo e a incorporación de novos procesos tecnolóxicos que fixeron que os artistas posicionen as súas creacións en territorios de transferencia. A gráfica, tal e como a comprendemos hoce, é moito mais híbrida e complexa ao instalarse no espazo. Este desprazamento da estampa provocou novas preguntas e indiciu algunhas respostas en relación coa idea de matriz que xera "múltiples". A mirada múltiple devólvesenos no s. XXI poliédrica, nun bicle invasor mutante que coloniza as fronteiras das propias definicións. O obxectivo deste proxecto é reflexionar sobre cómo a clásica bidimensionalidade da gráfica veu transitando cara a procura dunha experiencia artística mais profunda e inmersiva. Descubriremos como foi evolucionando a arte múltiple dende a estampa tradicional en papel e de carácter bidimensional, cara o obxecto escultórico e por extensión a súa instalación no espazo. Cremos que o campo gráfico expandido e transdisciplinar abre diferentes percorridos de indagación para chegar a novos territorios, a espazos inexplorados. Trasládanos a un concepto de gráfica que nace en e dende o espazo, demostrando o seu potencial e versatilidade ao mesmo tempo que se revindica como unha disciplina artística total. Por iso, plantéxase esta interconexión como método de exploración do fenómeno do Múltiple que ocupa o espazo.