Artista, doutora en Belas Artes e desde 2000 docente na Facultade de Belas Artes de Pontevedra, Universidade de Vigo.

Recibiu a súa formación académica na Facultade de Belas Artes de Pontevedra (1990-1995), School of Art and Design, Limerick, Irlanda (1994), École de Beaux Arts, Le Mans, Francia (1996-1997) e Facultad de Bellas Artes da Universidad de Salamanca (1997-1998).

Desenvolve a súa actividade artística expondo en mostras individuais e colectivas, foi seleccionada en numerosos certames e bienais e participou en ferias de arte nacionais e internacionais. A súa obra está representada en coleccións privadas, de institucións e de museos. O seu traballo artístico é recoñecido con numerosos premios e bolsas entre os que destacan, entre outros, o Premio de Pintura Francisco de Goya, Villa de Madrid (1996), O primeiro premio de Pintura L’Oreal (2000), a Bolsa Novos Valores (1994), a Beca Máster Fundación Caixa Galicia (1996) e a Beca Fundación Pollock-Krasner (2001).

É autora de numerosos textos e artigos, pronunciou conferencias en museos e centros de arte, e participou en congresos de diferentes universidades. O seu labor investigador foi recoñecido co Premio á investigación da Deputación Provincial de Pontevedra 2009 e o Premio extraordinario de tese 2008-2009 da Universidade de Vigo.

Entre os seus libros publicados encóntranse Lo que la pintura no es, Colección Arte & Estética, Deputación Provincial de Pontevedra, 2001; Pintura Site, Ed. Dardo, 2014; e Arte+Pintura, ed. con María Luisa Sobrino, Consello da Cultura Galega, 2015.

Incorpórase ao grupo dx5 en 2019.